Jakt, fiske og turdagane

11. - 13. april 2008

- Fritidsmesse med mangfald -

 23. - 25. mars 2007:

Her er noko av det du kunne få med deg på messa i 2007:	Gå til 2006  Gå til 2005    Gå til 2004
Spanande barneunderhaldning på Sjørøvarøya, der nokon av piratane måtte gå planken... Sjå video! Kokkekamp utandørs, vennskapleg kamp mellom kokkar frå Fugl Fønix og Skånevik Fjordhotell Finnskogen Jakt- og Strengelag spela og underhaldt fredag kveld Mange aktivitetar: natursti, rebusløp, skyting, klatring, riding, fjellturar til Nordfjell og Søljenibbo, spikring av fuglebrett	Fantastisk god villmarkslunsj: kjelknøl, elg m/fløytepoteter, i Villmarksleiren med utsikt over heile Sunnhordland    Foredrag og bilder i Temagarasjen: Arve Aarhus frå Norsk Hjortesenter Stig Tronvold viste naturbilete Øystein Bjørnsen fortel frå ein tur Sør-Norge rundt med kajakk, sykkel, seilbåt og ski. Bilete frå Kilimanjaro Etne Videoklubb viste filmen "Naturglimt frå Etne" Alf Inge Steindal held foredrag om havfiske
Grannar (26.03.07) Laga fuglebrett Aktivitetar for barn er det mange av under Jakt, fiske og turdagane i Skånevik. Her får Amalie Underbakke frå Sand hjelp til å lage fuglebrett av Aksel Tvedt. Les meir i papiravisa
28. - 30. april 2006: Messa i 2006 hadde eit breitt spekter av utstillarar, aktivitetar og foredrag. Her er noko av det du kunne få med deg:
Fredagskvelden var det "Du skal høyra mykje"-kveld med humorist Nils Lyngnes. Det var i tillegg mat, servering og mannekeng.	TV-Haugaland kokken Kjartan Kjetland laga freistande smaksprøvar på laurdagen.
På uteområdet var det mogleg for borna å ri.	Og innandørs vart klatreveggen flittig brukt.
Også i år vart det fart på fuglekassane som borna kunne spikra sjølv.
Herr og fru Villmark 2006: Gunbjørg Ljosnes og Ole Nervik	Norske Redningshundar hadde stand og oppvising.
Badeøya Peparen vart for helga omgjort til sjørøvarøy, og dei aller yngste piratane fekk prøva seg på pirattest, hjelpa Kaptein Skånevik med jakten på "Den gyldne peparkvedn" og grilla pølser. Att og fram til messeområdet gjekk Sjørøvarekspressen.
Redaktøren i bladet Villmarksliv Dag Kjelsaas var med på messa. Han heldt blant anna foredrag om snikjakt og snikfiske. Roy Mangersnes hadde bileteframsyning frå reise i Alaska. Alf Ole Bull Tornøe viste bilete frå safari i Afrika. Etne Videoklubb hadde to flotte filmar som dei viste, hjortefilm og "Glimt frå sjøkanten". På lørdagen demonstrerte Reidar Leknes, Njål Dyrrdal og båtbyggjar Harald Dalland båtbyggjing på uteområdet. NRK Hordaland si føremiddagssending sendte direkte frå messa fredag føremiddag. Messeavisa som vert produsert av Grannar kom ut i eit opplag på 25.000. Ei mengd utstillarar både ute og inne. Presentasjon av dei finn du her. Haugesunds Avis (02.05.06) Både små og store fekk prøva jaktlukka denne helga. Medan far og mor gjekk på jakt etter informasjon og røvarkjøp, leita borna etter ein ekte gullskatt på sjørøvarøya. Sundag morgon jakta fleire av utstillarane på telta sine, dei hadde blåse bort i morgontimane. Villmarksmessa i Skånevik fekk ein luftig avslutning(....) Handelsbodene lokka med gode tilbud og mange let seg friste. Våpen, fiskeutstyr, gardsmat, båtar og klede. Her var det berre å slå til. (...) -Eg og mannen min er svært glad i å fiske, og ei slik messe som dette er veldig interessant. Med ulke foredrag og masse moro for ungane. Her er det så rolig og fint, og slett ikkje kjøpepress, seier Kirsten Eskevik som saman med mannen Jan har kombinert Jakt, fiske og turdagar med avslappande hotellopphald ved Skånevik Fjordhotell. Eit opphold dei skryt svært av. (Henta frå papirutgåva) Grannar (28.04.06) I fjor var nærare 2.000 publikummarar innom Jakt, fiske og turdagane i Skånevik. Komiteen vonar på minst like mange gjester i år. — Det byrjar å kome seg no. Det meste av grovarbeidet er ferdig, så no står berre finpussen att, seier leiar for Jakt, fiske og turdagane, Turid Straumsøy. Les meir i Grannar Grannar (10.04.06) Jakt, fiske og turdagane har eiga messeavis. Last ned messeavisa frå Grannar sine Internettsider. Grannar (27.03.06) Jakt, fiske og turdagane i Skånevik er i rute og går dette året av stabelen 28. – 30. april. Det aller meste av programmet og opplegget er no klart. Ei reise frå fjord til høgfjell gjennom film og bilete med naturfotograf Ole Jakob Vorraa blir truleg eitt av høgdepunkta under messedagane. Les meir Pressemelding (23.03.06) Villmarksmessa i Skånevik nermar seg. Dag Kjelsaas, redaktør i bladet Villmarksliv opnar årets Jakt,-Fiske og Turdagar i Skånevik 28. til 30 april. Han vil og fortelje om spennande snikjakt, som ikkje må forvekslast med ulovleg jakt. Han dreg og like godt til med eit føredrag om snikfiske, kunsten å lura seg innpå storfisken for få han på kroken i staden for å skremma maten vekk. Med hans lange erfaring som naturfotograf og villmann med lokalkunnskap frå heile landet, vil det bli spennande og interessant å høyra hans betraktningar i temagarasjen lørdag og søndag. På messedagane vert det lodda ut et hjorteløyve, 4 årsabonement på bladet Villmarksliv m.m. Villmarksmessa tilbyr og i år eit mangfald innan aktiviteter, informasjon, video, lysbildeføredrag, friluftsutstyr, båtar, bilar med meir. Informerande flygeblad om messa er alt i omløp, plakatar kjem snart og messeavisa med et opplag på nærare 25.000 eksemplar går snart i trykken. Arrangørgruppa er i høggir for tida med planlegging og ser fram til for 3. gang å presentere ei Villmarkshelg du berre må få med deg!

8. - 10. april 2005: 

Alf Lea hadde med seg eit mobilt basseng som både små og store dykkarar fekk prøva seg i.
Alle barn fekk spikra seg sin eigen fuglekasse.
Hardanger Opplevelser og Skånevik Naturoppleving hadde pil og bogeskyting i eigen villmarksleir.
Fredagskvelden var det "Du skal høyre mykje" og manekengoppvising.	Sølvkroken arrangerte konkurranse i kasting med stang for barn.

• Vidar Lunde viste lysbilder i Temagarasjen om emne som "Det brølar i hjortelia" og "Fiskesommar"

• Leiar i foreninga Jeger og Fangsmann, John S. Opdahl, hadde stand, foredrag og lokkekurs.

• Etne Videoklubb viste flotte naturfilmar for heile familien.

• Leiaren for prosjektet med GPS-merking av hjort, Barbara Zimmermann var i Temagarasjen og fortalde om resultatet.

• Guida fjellturar til Hålandshovda og Leknesnepo.

Grannar (12.04.05)
Jakt, fiske og turdagane i Skånevik vart ein stor suksess. Folk frå fjern og nær valfarta til bygda, og tilbakemeldingane om messa var utelukkande positive. — Her likar me oss! Dette er ein super stad for familiar. Ungane har det minst like kjekt som oss vaksne. Arrangørane har verkeleg treft spikaren på hovudet. Det er mykje meir å sjå og oppleve enn det eg forventa, og informasjonen til besøkjande er svært god. Les meir

Haugesunds Avis (11.04.05)
– Nam, nam, seier Kathrine Bøthun og luktar på den lett svidde pølsa. Speidarjentene har plassert seg sentralt i campen og slår an tonen. Oppe ved idrettshallen trakterer Mari (4) hammaren. Pappa Vidar Rasmussen hjelper til. Like nedafor er store og små Robin Hood'ar i gang med pil og boge. Andre prøver seg med dykking i det store bassenget eller perlegraving.
Det er messe i Skånevik for naturentusiastar frå fjernt og nært. 2.000 besøkande – litt fleire enn i fjor – fordelt på heile helga er bra, og alt har gått som smurt. Les meir

Haugesunds Avis (09.04.05)
40 utstillarar og aktivitetar på rekke og rad ventar dei mange som i helga lar seg lokka til Skånevik. – Responsen er stor. I fjor hadde me 1.800 besøkande – i år håpar me på minst 2.500, seier primus motor Turid Straumsøy. Jakt-, fiske- og turdagane i Skånevik blei arrangert for første gong i fjor og har alt etablert seg som den større messa på Sør-Vestlandet innan denne nisjen.
Les meir

Grannar (01.04.05)
Jakt, fiske og turdagane har eiga messeavis. Last ned messeavisa frå Grannar sine Internettsider.

Skånevik nett (31.01.05)
Arbeidet med denne einaste Villmarksmessa mellom Bergen og Kristiansand er inne i ein aktiv periode. Komiteen på 8 har tidt møteaktivitet og mailen er til tider ganske heit. Noko vert som i fjor inne, men me har i tillegg fått nye og spennade utstillarar. Uteområde vert litt større og synligare, det har me god plass til. Nytt og spennande vert det ute når Alf Lea frå Haugesund vil komma inn med eit mobilt basseng med muligheten til prøvedykking og informasjonstand. Les meir
 

26. - 28. mars 2004:

Leif Arne Løvereide 29.03.04
Jakt-,fiske- og turdagane trygt i hamn!
Søndagen vart og ein fin villmarksmessedag i Skånevik. Gode tilbakemeldingar frå gjestene, som storkosa seg og vil komme tilbake på messa om et år.

Mange utstillerar selde mykje meir enn forventa, og har sagt seg interesserte i å vere med neste vår. Og arrangøren som fekk godt økonomisk overskot på messa, og et besøkstall på ca.1700, arbeidar nå med nedrigging og evaluering.

Det har vore kjekt å lage til villmarksmesse. Stor takk til alle som har delteke med flott innsats som frivillige. Vaffelsteikjerane skøyar med at dei har steikt opp kvoten for i år.

Stor takk og til alle utstillerane og et strålande publikum!

  
Sjå også artikkel i Haugesunds Avis  og Grannar.
  

Leif Arne Løvereide 27.03.04
Suksess
Første dagen med Jakt, Fiske og Turdagane i Skånevik vart ein skikkeleg suksess! Ein jamn straum av trivelege gjester heile dagen. Utstillerane har solgt godt, og ”Temagarasjen” har vore godt besøkt, også på ekstravisningane av hjortefilmen frå Nervik.

Aktivitetene ute, med hestekjøyring, perlegraving, flugekasting, miniatyrskyting, fiskekonkuranse for barn og guida fjelltur vart og vellukka. Ca.850 betalande første dagen, er arrangørane serdeles fornøgde med! Søndag er opningstida 10oo til 17oo, og butikkane i sentrum har ope frå 14oo til 17oo.

Gokartbanen er open, demo i flugekasting, miniatyrskyting, ekstra guida fjelltur ca. kl 11oo (kontakt informasjonen om du vil vera med), ny fiskekonkuranse for barn, trekking av Fjellduk fra Jerven as og hjorteløyve på bilettene/programmet, fisketur m båt, hjortefilm og info fra Statens Naturforvaltning i ”Temagarasjen”. Det blir og meir tips om lydighet for hund, og ei økt til med perlegraving m.m.

Kafeen i 2. etage på idrettshallen er rommeleg, og har godt utvalg med mat.

Utstillerane fyller på med nye messetilbud og nyheter, så et besøk på villmarksmessa i Skånevik søndag er verkeleg å anbefale !  
 
       

Leif Arne Løvereide 27.03.04
Jakt-, fiske og turdagane i gang
  Fredagskvelden vart Skånevik Idrettshall invadert av særdeles fornøgde utstillarar.  Arrangementskomiten kosa seg med gode tilbakemeldingar frå utstillarane, og at utstillarane har laga imponerande godt standinnhold. Vellukka kåserikveld med Magnar Reigstad i Kafeen, der han også installerte ein av sine utstoppa moskusoksar!  Messedagane lørdag og søndag bør alle som har anledning, få med seg. Her er det noko spennande for einkvar smak, både inne i hallen, og aktiviteter ute for alle aldrar.  Dette er moro!  Åpningstider villmarksmessa lørdag og søndag er 10oo – 17oo.  Butikkane har og ope 10oo-17oo lørdag, og 14oo-17oo på søndag. 

  
  

Frå Haugesunds Avis 22.03.04
Slett ingen vill ide
Jørgen Eljervik lanserte eit luftig forslag i fjor sommar. Nå er Skånevik klar og ventar storinnrykk frå naturelskarar av alle slag.

– Dette blir Sørvestlandets første villmarksmesse, og me er ikkje så lite spente. Potensialet bør vera stort, seier idémakaren.
Saman med Turid Straumsøy og andre gode støttespelarar i bygda har Jørgen Eljervik jobba på spreng denne vinteren. Rundt 40 utstillarar og eit variert program vil syta for å skapa ei messe med mangfald.

Jakt, fiske og tur
– Det er ikkje berre dei jakt- og fiskeinteresserte me rettar oss mot. Tur og friluftsliv blir ein viktig del av arrangementet, som går av stabelen siste helga i mars, presiserer Turid Straumsøy.  Les meir i Haugesunds Avis. og i Grannar.
   

Frå Skånevikprosjektet 07.03.04
Jakt-, fiske og turdagane i medvind !
  Det haglar med gode meldingar m.h.t. Jakt-, fiske- og turdagane i Skånevik.
Udmund Kjell har trylla fram et hjorteløyve som blir trekt på inngangsbilletten til villmarksmessa! Det blir trekt blant alle bilettane som blir solgt på messa. Så ta vare på biletten. Dersom du vinn løyvet, og ikkje er jeger kan du ev. avtale å bli med på jaktopplevelsen i lag med ein annan jeger. Dette må avtalast med givar etter trekning.

Lørdag blir det og trekt ein fiskesak frå Sølvkroken as på billettane.  I tillegg har Jerven as i Odda spandert ein Fjellduk, som og vert trekt på biletten på søndag.

Utstillerane er i full gang med forberedelsene, og ser fram til spennande dagar i Skånevik. Messeleiar Turid Straumsøy melder om godt samarbeid med utstilerane, og at deira engasjement gjer det ekstra interessant å stå på for å få til eit godt arrangement.
Det kjem også inn signaler om at friluftsinteresserte folk kjem frå eit vidt distrikt for å oppleva villmarksmessa i Skånevik.
Gruppa som produserer skillevegger har lagt ned masse arbeid og er nå klare med 74 veggmodular. Det har blitt mulig p.g.a. ein glimrande velvilje og innsats frå Tungesvik Bygg, Knudsen Dørfabrikk v.Eivind Knudsen og SMV.

Terje Karlsen, som frå Sølvkroken as, som hadde et vellukka kastekurs for fluestang i Skånevik Idrettshall i febr., er for tida i Skottland på kurs hos verdens beste fluefiskar Andy Murry.

Karlsen er glad han slepp å betale for fiskehølen han skal fiske i, for normal døgnpris skal vere mellom 35.ooo,-kr og 50.ooo,- kr. Me håpar han får anledning til å vise litt skottske kastekunster på messedagane.

Utstillarstandane inne er fullbooka, på utsida blir det 3 lavoar, ein salgsbil og et stort turtelt. Dette blir bra ! 
Messegruppa vil retta stor takk til sponsorane som er med og støttar økonomisk: Skånevik Fjordhotel, Sunnhordland Mekaniske Verksted, Skånevik Ølen Kraftlag, Tungesvik Bygg, Johansen Rør, Alfee klesbutikk, Sper Cristophersen, Skånevikprosjektet, Toralf og Per Sævareid, Skånevik Blomster og Gaver, Perlo Souvenir, Fjordkroa, Krambua, Skånevikstrand Maskinstasjon, etne Øl og Mineralvannutsalg, Vertshuset kronstad, Ove Eriksen Transport, Olav Tjeldflåt og Duo Frisør.

Til toppen

Kontakt oss: